نئی دہلی (آئی این پی)بھارت نے پاکستان میں در اندازی کرنے پر اپنے گرفتار فوجی کی رہائی کیلئے رونا دھونا تیز کر دیا۔ بھارتی وزیر دفاع منوہر پریکر نے کہا ہے کہ پاکستان میں گرفتار اپنے فوجی کو واپس لانے کیلئے ڈی جی ملٹری آپریشنز کی سطح پر کوششیں کررہے ہیں، ہم کب سے معاملے کو حل کرنے کی کوشش کر رہے ہیں لیکن پاکستان مان نہیں رہا۔بھارتی میڈیا کے مطابق وزیر دفاع منوہر پریکر نے کہا ہے کہ پاکستان میں گرفتار اپنے فوجی کو واپس لانے کیلئے ڈی جی ملٹری آپریشنز کی سطح پر کوششیں جاری رکھے ہوئے ہیں۔منوہر پریکر کا کہنا ہے کہ چندو بابو لال بدھ کو کنٹرول لائنکے دوسری طرف بھارتی فوج کی کاروائی میں شامل نہیں تھا۔آرمی اور شہریوں کی طرف سے نادانستہ طورپر سرحد پار کرنے کے واقعات دونوں جانب پر غیر معمولی نہیں ہیں۔بھارتی حکام کا کہنا ہے کہ راشٹریہ رائفلز کا 37سالہ چندو بابو لال چوہان اپنی ڈیوٹی پر تھا جو غلطی سے سرحد پار کرگیا۔