ڈھاکہ (این این آئی)بھارت،بنگلہ دیش،افغانستان اور بھوٹان،چار ایشیائی ممالک کا پاکستان کیخلاف ایکا،کھل کرسامنے آگئے،پاکستان میں ہونیوالی سارک کانفرنس میں شرکت سے انکار کردیا ،بھارت کے بعد بنگلہ دیش نے بھی پاکستان میں ہونیوالی سارک کانفرنس میں شرکت سے انکار کردیا ہے۔ بنگلہ دیشی وزیر مملکت خارجہ امور شہریار عالم نے کہا ہے کہ سارک کانفرنس میں شرکت نہ کرنے کے حوالے سے کھٹمنڈو میں سارک سیکرٹریٹ کو بھی فیصلے سے تحریری طور پر آگاہ کر دیا گیا ہے۔ دوسری جانب بنگلہ دیشی میڈیا کا سینئر حکومتی ذرائع کے حوالے سے کہنا ہے کہ وزیراعظم شیخ حسینہ واجد نے پاکستان کی جانب سے ڈھاکہ کے اندرونی معاملات میں بار بار دخل اندازی اور بے بنیاد الزامات کے باعث سارک کانفرنس میں شرکت سے انکار کیا ہے۔بنگلہ دیشی میڈیا کے مطابق سفارتی ذرائع کا کہنا ہے کہ بھوٹان اور افغانستان بھی اسلام آباد میں ہونے والی سارک کانفرنس میں شرکت نہیں کرینگے جبکہ سارک کا موجودہ صدر ملک نیپال کسی بھی وقت پاکستان میں ہونیوالی کانفرنس کو کسی بھی وقت ملتوی کر سکتا ہے۔