واشنگٹن (مانیٹرنگ ڈیسک )امریکا نے سعودی عرب کے شہر جدہ میں اپنے شہریوں کو ممکنہ حملوں کے خطرے کے پیش نظر محتاط رہنے کی ہدایت کردی۔غیر ملکی میڈیاکے مطابق امریکی محکمہ خارجہ کے ترجمان جان کربی کا کہنا ہے کہ سعودی عرب میں امریکی سفارت خانے نے خدشہ ظاہر کیا ہے کہ جدہ میں امریکی شہریوں پر سنگین اور فوری حملوں کا خطرہ ہے ۔ اس لیے جدہ سمیت سعودی عرب میں موجود امریکی شہری سفر کے دوران محتاط رہیں ۔رواں ماہ کے آغاز میں جدہ سمیت سعودی عرب کے مختلف شہروں میں تین دھماکے ہوئے تھے۔