ٹوکیو (این این آئی)جاپان میں امیر ترین ممالک کے گروپ جی سیون کی سربراہ کانفرنس کے اعلامیے کے مطابق برطانیہ کے یورپی یونین کو چھوڑنے کا ووٹ ’عالمی پیداواری ترقی کیلئے شدید خطرہ ہو سکتا ہے۔جی سیون کی سربراہ کانفرنس کے حتمی بیان کے مطابق گروپ نے خبردار کیا کہ یورپی یونین سے برطانیہ کے نلکنے سے بڑھتی ہوئی عالمی تجارت، سرمایہ کاری اور ملازمتوں کے رحجان کا رخ تبدیل ہو سکتا ہے۔جی سیون ممالک کے سربراہان کی جانب سے معاشی نتائج کے بارے میں تنبہ ایک ایسے وقت میں سامنے آئی ہے جب برطانیہ میں یورپ میں رہنے یا نکلنے کے حوالے سے ریفرینڈم 23 جون کو ہونے والا ہے۔برطانوی وزیراعظم ڈیوڈ کیمرون برطانیہ کے 28 ملکی اتحاد میں رہنے کے لیے مہم چلا رہے ہیں اور حالیہ اعداد و شمار کے مطابق یورپی یونین میں رہنے کی حمایت کرنے والوں کو برتری حاصل ہے ٗ دو روزہ کانفرنس میں امریکہ، کینیڈا، برطانیہ، اٹلی، جرمنی، فرانس اور جاپان کے سربراہان نے عالمی پیداوار کو اشد ضروری ترجیح قرار دیا ہے۔گروپ کے مطابق عالمی پیدوار کو درپیش خطرات کا مل کی مقابلہ کرنا ہو گا جن میں شدت پسند حملے اور پرتشدد انتہا پسندی شامل ہیں۔بیان میں کہا گیا کہ جلد طاقتور ٗقابل قبول اور متوازن پیداواری طریقہ کار حاصل کرنے کیلئے ہمیں معاشی پالیسی کو مضبوط بنانے کیلئے تعاون کے ذریعے مضبوط اور متوازی پالیسی کی ضرورت ہے۔