واشنگٹن(آن لائن) امریکہ میں ایک معمر شخص کو اپنی بیوی کے علاج کے لیے رقم دستیاب نہ ہونے پر اسے مو ت کے گھا ٹ اتا ر دیا ،امریکی اخبار”نیویارک ٹائمز“ نے چونکا دینے والا واقعہ تفصیل سے بیان کیا ہے اور بتایا ہے کہ حال ہی میں 86 سالہ ولیم ھاگر نامی ایک بوڑھے نے اپنی 78 سالہ بیوی کیرولین ہاگرکو سوتے میں گولیاں مار کر قتل کر دیا کیونکہ اس کے پاس بیوی کے علاج کے لیے پیسے نہیں تھے۔ پولیس نے قاتل شوہر کو حراست میں لیا ہے مگر اس واقعے نے انکل سام کی عوامی فلاحی ریاست ہونے کے دعوو¿ں کی اصلیت بے نقاب کر دی ہےرپورٹ کے مطابق یہ واقعہ ریاست فلوریڈا میں پیش آیا جہاں ولیم ھاگر نے اپنی اہلیہ کیرولین ہاگر سے 50 سالہ رفاقت کا اختتام کرتے ہوئے اس کے سرمیں گولیاں مار دیں، جس کے نتیجے میں پندرہ سال سے بستر علالت پرپڑی اس کی اہلیہ اپنے انجام کو پہنچ گئی۔پولیس کے سامنے اپنا بیان ریکارڈ کراتے ہوئے ولیم ہاگر کا کہنا تھا کہ اس سے بیوی کی بیماری اور مسلسل تکلیف دیکھی نہیں جاتی تھی۔ بیوی کے علاج کے لیے اس کے پاس رقم بھی نہ تھی۔ اس لیے مناسب یہی سمجھا کہ اسے اس بیماری کی ذلت سے ہمیشہ ہمیشہ کے لیے نجات دے دی جائے۔ چنانچہ اس نے پستول اٹھائی اور اس کے سر میں کئی گولیاں مار دیں۔ امریکا میں پیش آنے والا یہ واقعہ حکومتی بے حسی، معاشرتی لا ابالی کے ساتھ بوڑھے اور ریٹائرڈ افراد کو ملنے والی معمولی پنشن اور ان کی مالی مشکلات کی عکاسی کرتا ہے۔