تہران(نیوزڈیسک)ایرانی پولیس نے پاکستانی سرحد کے قریب سات دہشت گردوں کو گرفتارکرنے کا دعویٰ کیا ہے،دہشت گردوں کے قبضے سے بارودی مواداورراکٹ لانچر بھی برآمدکرکے قبضے میں لے لیے گئے،غیرملکی خبررساں ادارے کے مطابق ایرانی پولیس چیف اسماعیل مقدمی نے ایک بیان میں کہاکہ ایرانی حدودمیں پاکستانی سرحد کے قریب سات دہشت گردوں کو گرفتارکرلیاگیا ہے،ایرانی گشتی پولیس نے گزشتہ رات ان دہشت گردوں کو گرفتارکیا،بیان میں کہاگیا کہ دہشت گردوں کے قبضے سے بارودی مواد،اورراکٹ لانچر بھی برآمد کرکے قبضے میں لے لیے گئے ہیں،اورتمام دہشت گردوں کو نامعلوم مقام پر منتقل کردیاگیا جہاں ان سے تفتیش جاری ہے،بیان کے مطابق ایران نے اپنی سرحدوں کے قریبی سیکورٹی میں اضافہ کردیاہے اوردراندازوں سے سختی سے نمٹاجائیگا۔