دمشق(این این آئی)شدت پسند تنظیم داعش کی جانب سے قتل و بربریت کا سلسلہ جاری ہے۔ تازہ ترین کارروائی میں دہشت گرد تنظیم نے شام کے شہر البوکمال میں 5 افراد کو موت کے گھاٹ اتار دیا۔میڈیارپورٹس کے مطابق یہ شہر ولایت الفرات کے نام سے معروف علاقے میں پایا جاتا ہے جس میں عراق کا سرحدی شہر القائم اور اس کے نواحی علاقے بھی شامل ہیں۔داعش کی گزشتہ وڈیو ٹیپس کے منظرناموں کی طرح اس بار بھی پانچ مرد نارنجی رنگ کے کپڑوں میں ملبوس نظر آرہے ہیں جن کو تنظیم کے ارکان نے ذبح کرنے کے بعد ان کے سر کاٹ دیے۔انسانی حقوق کی شامی رصدگاہ کے مطابق یہ پانچوں افراد عراقی شہری تھے جن کو موت کے گھاٹ اتارنے کے لیے ولایت الفرات کے شامی جانب لایا گیا۔ بعض ذرائع کا کہنا تھا کہ مقتول افراد کا تعلق عراقی قصبے القائم سے ہے۔یاد رہے کہ داعش نے 2 مئی کو بھی البوکمال شہر سے تعلق رکھنے والے 3 شامی نوجوانوں کو قتل کر دیا تھا۔ ان پر شامی سرکاری فوج کے منحرف افسران اور اہل کاروں کی فورس جیش ِ ح±رکے ساتھ تعاون کا الزام عائد کیا گیا۔