ریاض (این این آئی) سعودی عرب کے فرمانروا شاہ سلمان اپنے چھوٹے بیٹے شہزادہ راکان کی تعلیمی میدان میں شاندار کامیابی پر آبدیدہ ہو گئے ۔میڈیا رپورٹ کے مطابق شاہ سلمان نے ریاض میں سیکنڈری اسکول سے فارغ ہونے والے طلباءطالبات کے اعزازمیں منعقدہ تقریب میں شرکت کی جہاں شہزادہ راکان کی شاندار تعلیمی کارکردگی پر شاہ سلمان آبدیدہ ہو گئے ¾تقریب میں شہزادہ راکان نے اپنے والد کو تلوار بھی پیش کی ۔ اس موقع پر شاہ سلمان نے دوسرے والدین کی طرح بچوں کےلئے اپنا خصوصی پیغام دیا ۔شاہ سلمان نے تقریب سے خطاب کرتے ہوئے کہا کہ میں یہاں صرف راکان کے والد کی طرف سے نہیں بلکہ تمام بچوں کے والدین کی حیثیت سے حاضر ہوا ہوں ۔قبل ازیں شاہ سلمان نے اسکینڈری تعلیمی مراحل کی تکمیل کرنے والے طلباءسے بھی ملاقات کی۔ انہوں نے کہا کہ تعلیم اس وقت سے ان کی اولین ترجیح رہی ہے جب وہ ریاض کے گورنر کی حیثیت سے خدمات انجام دے رہے تھے۔تقریب میں شاہ سلمان بچوں ¾ ان کے والدین ¾حکومتی عہدیداروں اور وزراءمیں گھل مل گئے، جہاں طلباءنے شاہ سلمان کے ساتھ یادگاری تصاویر بھی بنوائیں ۔