نیویارک(نیوزڈیسک) عالمی مالیاتی ادارے نے خلیجی ممالک کو مشورہ دیا ہے کہ وہ تیل کی قیمتیں مستحکم بنائیں اورحکومتی اخراجات میں کمی لائی جائے،ایک اندازے کے مطابق اس سال خلیجی ممالک کی اقتصادی ترقی کی شرح 1.8 فیصد رہے گی۔ میڈیارپورٹس کے مطابق گزشتہ برس یہ شرح 3.3 فیصد تھی۔ اس عالمی ادارے نے اس تناظر میں زور دیا کہ چھ ممالک کا یہ بلاک اپنے ریاستی خرچوں میں کمی لائے جبکہ تیل کی قیمتوں کو مستحکم بنائے۔ اس رپورٹ میں یہ بھی کہا گیا ہے کہ خلیجی ممالک کو ترقی کے لیے صرف تیل پر ہی انحصار نہیں کرنا چاہیے بلکہ متبادل شعبوں کو ترقی دینا چاہیے۔