لندن(نیوزڈیسک) پاناما لیکس میں برطانوی وزیراعظم کی جانب سے آف شور کمپنی کے ذریعے مالی فوائد حاصل کرنے کے خلاف ہزاروں افرادنے مظاہرہ اوروزیراعظم سے مستعفی ہونے کا مطالبہ کیا،برطانوی میڈیا کے مطابق تقریباًدوہزار لوگ مقامی وقت کے مطابق دن گیارہ بجے وزیراعظم کی رہائش گاہ ٹین ڈاﺅننگ اسٹریٹ کے باہر جمع ہوئے ،اس موقع پر مظاہرے نے ہاتھوں میں پلے کارڈزاٹھارکھے تھے جن پر کیمرون کو جانا ہوگا،وزیراعظم اب اعتماد کھوچکے ہیں جیسے نعرے درج تھے،مظاہرین نے اس موقع پر مطالبہ کیا کہ وزیراعظم کیمرون نے ملک کے عوام کے ساتھ بے ایمانی کی وہ ایماندار نہیں رہے اب انہیں استعفی دے دینا چاہیے،اس سے قبل لیبر پارٹی سے تعلق رکھنے والے اپوزیشن رہنما جرمی کاربن نے آف شور کمپنی کے ذریعے مالی فوائد حاصل کرنے کے معاملے پر وزیراعظم ڈیوڈ کیمرون سے استعفے کا مطالبہ کردیا۔ ان کا کہنا تھا کہ وزیراعظم ڈیوڈ کیمرون عوام کا اعتماد کھو چکے ہیں کیونکہ انھوں نے آف شور کمپنی کا معاملہ کئی برسوں تک چھپائے رکھا۔جرمی کاربن نے مزید کہا کہ آف شور کمپنی کے معاملے پر ڈیوڈ کیمرون نے عوام کو گمراہ کیا اس لئے لیبر پارٹی ٹین ڈاو¿ننگ اسٹریٹ کے سامنے احتجاج کرے گی، ڈیوڈ کیمرون آف شور کمپنی کا معاملہ پارلیمنٹ میں لائیں اور تمام معاملات واضح کریں۔ دوسری جانب ترجمان ٹین ڈاﺅننگ اسٹریٹ نے کہاکہ ڈیوڈ کیمرون نے قانون کے مطابق تمام چیزیں ظاہر کی تھیں۔پاناما لیکس میں ڈیوڈ کیمرون پر الزام عائد کیا گیا تھا کہ انھوں نے اپنے والد کی آف شور کمپنی سے مالی فوائد حاصل کئے۔ ڈیوڈ کیمرون نے بھی اپنے والد کی آف شور کمپنی کے ذریعے مالی فوائد حاصل کرنے کا اعتراف کیا تاہم ان کا کہنا تھا کہ انھوں نے وزیراعظم کا عہدہ سنبھالنے سے پہلے 2010 میں یہ کمپنی 30 ہزار پاو¿نڈ میں فروخت کر دی تھی۔