الریاض(نیوز ڈیسک) ”اوروں کو نصیحت ،خود میاں فصیحت“سعودی میڈیا نے دلچسپ تجزیئے میں بھارتی وزیراعظم نریندرمودی پر تنقید کرتے ہوئے کہاہے کہ بھارتی حکمراں خود تو مظلوم اورنہتے کشمیروں پر ظلم ڈھا رہے ہیں اورمذاکرات کی میز پر آنے کو تیار نہیں ،جبکہ یمن مسئلے کے حل کے لیے مود ی سرکار نے اقوام متحدہ کو بیچ میں لاکھڑا کیا ہے اورکہاہے کہ یمن کا مسئلہ اقوام متحدہ کی قرارداد2216کی روشنی کے مطابق حل کیاجائے،سعودی ٹی وی پر کیے گئے تجزیئے میں کہاگیا کہ بھارتی حکمراں جماعت انتہا پسندی کو فروغ دے رہی ہے اورمقبوضہ کشمیر کے عوام کے ساتھ ساتھ بھارت میں بھی مسلمانوں پر ظلم ڈھائے جارہے ہیں،ایسے میں بھارتی وزیراعظم نے نے سعودی فرمانروانے ملاقات میں کہاہے کہ یمن کا مسئلہ اقوام متحدہ کی قراردادوں کے مطابق حل کیاجائے۔سعودی ٹی وی پر کیے گئے تبصرے میں کہاگیا کہ اگرمودی کو اتنا ہی شوق ہے تو 68سال سے حل طلب مسئلہ کشمیر کو پہلے حل کرنے میں کرداراداکریں اوروہ بھی قوام متحدہ کی قراردادوں کے عین مطابق حل کیاجائے۔