ممبئی(نیوزڈیسک ) بھارتی عدالت نے اپنے فیصلے میں کہا ہے کہ ریاست مہاراشٹر کی خواتین کو مندروں داخل ہونے اور دعا کرنے کا بینادی حق ہے۔ برطانوی مےڈےا کے مطابق ممبئی کی ہائی کورٹ نے کہا کہ حکومت کا فرض ہے کہ وہ اس بنیادی انسانی حقوق کا دفاع کرے۔عدالت نے یہ فیصلہ ایک درخواست کے جواب میں دیا ہے جس میں درخواست گزار نے موقف اختیار کیا تھا کہ عورتوں کو صدیوں پرانے تاریخی مندروں میں جانے سے روکا جائے۔رواں سال جنوری میں سینکڑوں عورتوں نے مندر میں داخلے پر عائد پابندی کے خلاف احتجاج کیا تھا۔خواتین کی اس مہم کی سربراہی بھومت رنگ راگنی بریگیڈ کر رہی ہے اور ریاست کی مندروں میں جانے سے روکنے کے خلاف اس گروپ نے مہم چلائی ہے۔مہاراشٹر کی حکومت نے کہا ہے کہ وہ عدالت کے فیصلے پر عملدرآمد کریں گے۔ بھارتی سرکاری خبر رساں ادارے کے مطابق ریاستی حکومت نے خواتین کو مندر میں داخلے سے روکنے والوں کے لیے زیادہ سے زیادہ 6 ماہ کی سزا دینے کا اعلان کیا ہے ۔