ڈھاکا(نیوزڈیسک) بنگلہ دیش کی ایک عدالت نے محبت میں ناکامی کے انتقام میں اپنے محبوب کو قتل کرنے والی اکیس سالہ خاتون فاطمہ اختر سونالی کو موت سزا کا حکم سنایا ہے۔ میڈیارپورٹس کے مطابق وکیل استغاثہ نے بتایا کہ سونالی نے اپنے محبوب کا گلا کاٹنے کے بعد ا ±س کا دل سینے سے باہر نکال کر پھینک دیا تھا۔ عدالت میں سونالی نے امداد الحق شپون کو قتل کرنے کا اعتراف بھی کیا۔ جب بنگلہ دیشی شہر کھلنا میں عدالت نے فیصلہ سنایا تو کمرہ عدالت کھچا کھچ بھرا ہوا تھا۔ وکیل استغاثہ نے فیصلے کے بعد میڈیا سے بات کرتے ہوئے کہا کہ بنگلہ دیش میں کسی عورت کو موت کی سزا دینا معمول نہیں اور یہ ایک غیرمعمولی مقدمہ تھا۔