واشنگٹن(نیوز ڈیسک) امریکی ریپبلکن پارٹی کی طرف سے متوقع صدارتی امیدوار ڈونلڈ ٹرمپ نے کہا ہے کہ برطانوی عوام رواں برس جون میں ہونے والے ریفرنڈم میں یورپی یونین سے الگ ہونے کے حق میں ووٹ دیں گے۔برطانوی نشریاتی ادارے سے بات چیت میں ٹرمپ نے کہاکہ اس کی وجہ مہاجرت کے باعث پیدا ہونے والے خدشات ہیں۔ایک انٹرویو میں ٹرمپ کا کہنا تھا کہ مہاجرت کے جاری جنون میں، جس میں لوگ ہر طرف آتے چلے جا رہے ہیں، برطانوی عوام یورپی یونین کو چھوڑنے کے حق میں ووٹ دیں گے۔ برطانیہ میں یورپی یونین میں رہنے یا چھوڑنے کے سوال پر ریفرنڈم 23 جون کو منعقد ہونا ہے۔