چمن(نیوز ڈیسک) افغانستان میں خونریزجھڑپیں، طالبان نے خانشین ضلع پر قبضہ کرلیا، روزگان میں افغان پولیس کے 49اہلکار ہتھیارڈال کر افغان طالبان سے جاملے۔رپورٹس کے مطابق افغان طالبان نے دعوی کیا ہے کہ کہ منگل کی علی الصبح ہلکے وبھاری ہتھیاروں سے لیس افغان طالبان کے جنگجوؤں نے افغانستان کے صوبہ ہلمند ضلع خانشین پر ایک وسیع حملہ کیا کئی گھنٹوں کے مسلسل جھڑپوں کے بعد دشمن کے چھ فوجی ہلاک ہوگئے لڑائی کے دوران دوفوجی ٹینک بھی تباہ کئے جبکہ 4عددٹینک ،ایک رینجرگاڑی ،2اینٹی ائیر کرافٹ گنیں ،2ہیوی مشن گنیں ،10کلاشنکوفیں اور3ماٹر توپوں سمیت مختلف قسم کے جدیداسلحہ مجاہدین نے اپنے قبضے میں لے لیا تاہم دشمن کے جوابی فائرنگ سے 2مجاہدین بھی زخمی ہوگئے سات فوجی مراکز پر قبضہ کرلیا اور خانشین ضلع آخرکار فتح کرلی ادھر صوبہ روزگان کے ضلع دہراودمیں 49افغان پولیس اہلکار ہتھیار رکھ کر افغان طالبان سے جاملے افغان طالبان نے تسلیم شدہ پولیس اہلکاروں کو لبیک کہا ۔