صنعائ(نیوز ڈیسک) یمن میں عرب اتحادی افواج اور حکومتی فوج نے ملک کے تین شہروں کو حوثی اور معزول صدر صالح کی ملیشیاو 191ں سے آزاد کرانے کے پیش قدمی شروع کر دی ۔سعودی اخبار کے مطابق یہ تین شہر حضرموت صوبے کا صدر مقام المکلا، ساحلی شہر الحدیدہ اور بحر احمر کے ساحل پر واقع شہر اور بندرگاہ المخا ہیں۔دوسری جانب اعلیٰ سطح کے یمنی حکام نے بتایا ہے کہ صنعا پر باغیوں کا قبضہ ختم کرانے کے لیے حکومتی فوج اور شہر کے اندر اور اس کے نواح میں قبائلی شیوخ اور عمائدین کے ساتھ وسیع پیمانے پر رابطے اور تعاون کا سلسلہ جاری ہے۔