اسلام آباد میں سونے کی قیمتوں میں نمایاں کمی ریکارڈ کی گئی ہے، جس کے بعد مقامی صرافہ بازاروں میں فی تولہ سونا ہزاروں روپے سستا ہوگیا۔

آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت میں 15 ہزار 500 روپے کی کمی ہوئی، جس کے بعد نئی قیمت 4 لاکھ 76 ہزار 862 روپے مقرر ہو گئی۔

اسی طرح 10 گرام سونے کی قیمت بھی 13 ہزار 289 روپے کم ہونے کے بعد 4 لاکھ 8 ہزار 832 روپے تک آگئی ہے۔دوسری جانب عالمی مارکیٹ میں بھی سونے کے نرخوں میں بڑی گراوٹ دیکھی گئی، جہاں فی اونس سونا 155 ڈالر سستا ہو کر 4545 ڈالر پر پہنچ گیا۔