اسلام آباد (نیوز ڈ یسک)دبئی کی ایک کم لاگت ائیرلائن نے پاکستان کے تین بڑے شہروں کیلئے اپنی پروازیں عارضی طور پر بند کرنے کا اعلان کر دیا ہے۔

میڈیا رپورٹس کے مطابق ائیرلائن نے لاہور، اسلام آباد اور پشاور کیلئے فلائٹ آپریشن 26 اکتوبر 2026 تک معطل کرنے کا فیصلہ کیا ہے۔ ائیرلائن انتظامیہ کا کہنا ہے کہ یہ اقدام ’’آپریشنل وجوہات‘‘ کی بنیاد پر کیا گیا۔دوسری جانب ائیرلائن کی کراچی، سیالکوٹ، ملتان، فیصل آباد اور کوئٹہ کیلئے پروازیں معمول کے مطابق جاری رہیں گی۔اماراتی حکام کے مطابق متاثرہ مسافروں کو ٹکٹوں کی رقم واپس کی جا رہی ہے،

جبکہ بعض مسافروں کو متبادل ائیرلائنز پر ری بکنگ کی سہولت بھی فراہم کی جائے گی۔رپورٹس میں کہا گیا ہے کہ ایران جنگ کے بعد خلیجی خطے میں فضائی آپریشن متاثر ہوئے تھے، تاہم متحدہ عرب امارات کی دیگر ائیرلائنز کی پاکستان کیلئے پروازیں بدستور جاری ہیں۔