واشنگٹن (نیوزڈیسک) امریکہ نے پاکستان کو ایف 16طیاروں کی فروخت پر بھارتی اعتراض کو مسترد کرتے ہوئے کہاہے کہ پاکستان کو طیاروں کی فروخت ضروری تھی ¾ طیارے دہشتگردوں کے خلاف معاون ثابت ہونگے ¾بھارتی اعتراض بلا جواز ہے ۔ صحافیوں کو بریفنگ دیتے ہوئے امریکی محکمہ خارجہ کے ترجمان جان کربی نے کہا پاکستان کے قبائلی علاقوں میں دہشتگردوں کے خلاف آپریشن کیلئے لڑاکا طیارے لازمی ہیں ¾آپریشن ضرب عضب کے باعث افغانستان میں بھی عسکریت پسندی میں کمی آئی ہے۔ پاکستان میں جاری آپریشن کے بعد افغانستان سمیت خطے میں امن و استحکام بحال ہوگا۔انہوںنے طیاروں کی فروخت پر بھارتی اعتراض کو مسترد کرتے ہوئے کہاکہ بھارت کا اعتراض بلا جواز ہے -بھارت نے پاکستان کو ایف 16 جنگی طیارے فروخت کرنے کے امریکہ کے فیصلے پر شدید ناراضگی کا اظہار کرتے ہوئے امریکی سفیر کو بلا کر احتجاج ریکارڈ کرا دیا۔بھارتی وزارت خارجہ کے ترجمان وکاس سوروپ نے ٹویٹ کیا کہ ہم پاکستان کو ایف 16 طیارے فروخت کیے جانے کے سلسلے میں اوباما انتظامیہ کی جانب سے نوٹیفکیشن جاری کیے جانے سے مایوس ہوئے ہیں۔انھوں نے کہا کہ بھارت امریکہ کے اس خیال سے اتفاق نہیں رکھتا ہے کہ ان طیاروں کی فروخت سے انتہا پسندی کے خلاف جنگ میں مدد ملے گی۔سوروپ نے کہا کہ گذشتہ کئی سالوں کا ریکارڈ خود اپنی کہانی بیان کرتا ہے۔ میڈیا رپورٹ کے مطابق بعد ازاں بھارتی وزارت خارجہ نے امریکی سفیر کو طلب کرکے ان سے اس فیصلے کے خلاف احتجاج کیا۔