ریاض(آئی این پی)سعودی عرب کے وزیر تعلیم عزام الدخیل کو ان کی اپنی درخواست پر وزارت کے عہدے سے ہٹا دیا گیا جبکہ انکی جگہ احمد بن محمد العیسیٰ کو شاہی فرمان کے تحت وزارت تعلیم کا قلمدان سونپ دےاگیا ۔عالمی مےڈےا کے مطابق سبکدوش ہونے والے وزیر تعلیم عزام الدخیل نے عہدہ چھوڑنے کی درخواست پیش کی تھی جسے غور کے بعد منظورکرلیا گیا تھا۔ قبل ازیں سول سروسز کے نائب وزیر ڈاکٹر صالح الشھیب کو بھی ان کی درخواست پر عہدے سے ہٹا دیا گیا تھا۔ شاہی فرمان کے تحت ڈاکٹر توفیق السدیری کو نائب وزیر برائے مذہبی امور و مساجد، ڈاکٹر عبدالعزیز الرویس کو مواصلات و فنی معلومات، ڈاکٹراحمد الفہید کو ٹیکنیکل و پروفیشنل ٹریننگ کے ادارے کا سربراہ مقرر کیا گیاہے۔شاہی فرمان کے تحت انجینیر خالد السویکت کو ریلوے کے چیئرمین کے عہدے سے ہٹا کر ان جگہ ڈاکٹر رمیح الرمیح کو ریلوے کا چیئرمین مقرر کیا گیا۔ ان کے علاوہ علی الغفیض، انجینیر عبداللہ الضراب اور ڈاکٹر صالح الشھیب کو مجلس شوریٰ کے رکن مقرر کیا گیا ہے جب کہ ڈاکٹر جمعان بن رقوش کونائف سائنس یونیورسٹی کا صدر مقرر کیا گیا۔