سرینگر(آن لائن)دنیا کے بلند ترین محاذ جنگ سیاچن میں1984سے اب تک 33اعلیٰ اور54جونیئر کمیشنڈ افسروںسمیت 869 بھارتی فوجی ہلاک ہوچکے ہیں۔ کشمیر میڈیاسروس کے مطابق دفاعی امور کے بھارتی وزیر مملکت اندر جیت سنگھ نے بھارتی پارلیمنٹ کے ایوان زیریں لوک سبھا میں ایک سوال کے تحریری جواب میں کہا کہ مقبوضہ جموں کشمیر کے لداخ خطے میں واقع سیاچن گلیشئر پر1984سے تاحال 869 فوجی سخت موسمی حالات اور دیگر وجوہات کی بناپر مارے گئے ہیں جن میں 33اعلیٰ افسر جبکہ 54جے سی اوز شامل ہیں۔ انہوں نے کہا کہ اس عرصے کے دوران فوجیوں کیلئے خاص قسم کے کپڑے اور کوہ پیمائی میں کام آنے والے آلات خریدنے پر 7500 کروڑ روپے کی رقم صرف کی گئی ہے۔