ماسکو (نیوز ڈیسک ) روسی سیاحت سے متعلق وفاقی ایجنسی کے نائب سربراہ سرگئی کورنی ایو نے کہا ہے کہ روس ہلال دوست پروگرام کے تحت روس میں مسلمان ملکوں سے سیاحوں کی آمد بڑھانے پر غور کر رہا ہے۔ ذرائع ابلاغ کے مطابق روسی سیاحت سے متعلق وفاقی ایجنسی کے نائب سربراہ سرگئی کورنی ایو نے کہا ہے کہ روس اس وقت سیاحت کے حوالے سے مسلمانوں کے لیے کسی بھی طرح مناسب و سازگارملک نہیں ہے اور ضمن میں روس مسلمان سیاحوں کی تعداد بڑھانے کے لئے ایک پروگرام شروع کر رہا ہے جس کا نام ہلال دوست پروگرام ہوگا۔انہوں نے کہا کہ ہلال دوست پروگرام صرف غذائی ضروریات سے متعلق ہی نہیں ہوگا بلکہ اس کا تعلق کلی طور پر میزبانی سے بھی ہوگا۔ منصوبے کے مطابق یہ پروگرام سیاحوں کو روس کی اسلامی دنیا کے ساتھ روابط سے روشناس کرائے گا۔انہوں نے کہا کہ ایک اور جہت جو مسلمان سیاحوں کے لیے پرکشش ہو سکتی ہے وہ “روس کا موسم سرما ” ہے جو جنوبی ملکوں کے باسیوں کے لیے ہمیشہ دلچسپ رہے گا