واشنگٹن(نیوزڈیسک) امریکہ ¾مسلمانوں کی سب سے بڑی تنظیم بھی زد میں آگئی،ہنگامی حالت نافذ،واشنگٹن کے بعد کیلی فورنیا میں بھی امریکی مسلمانوں کی سب سے بڑی تنظیم کونسل آن امریکن اسلامک ریلیشنز کے دفتر کو دھمکیاں اور سفید پاﺅڈر پر مشتمل خط ملنے کے بعد ہنگامی حالت نافذ کرتے ہوئے دفتر کو خالی کرا لیا گیا۔کونسل آن امریکن اسلامک ریلیشنز کے اسٹاف اٹارنی کے مطابق کیلی فورنیا کے شہر سانتا کلارا میں واقع تنظیم کے دفتر کو ایک خط ملا جس میں مشتبہ پاﺅڈر تھا جس کے بعد دفتر کو خالی کرنا پڑا۔اس سے قبل واشنگٹن کے کیپیٹل ہل میں بھی کونسل کے دفتر کو ایک خط ملا تھا ۔ تنظیم کی اسٹاف اٹارنی ماہا سید کے مطابق خط میں مسلمانوں کو سنگین نتائج کی دھمکیاں دی گئی ہیں اور لفافے میں سفید پاوڈر بھی موجود تھا۔ انہوںنے کہاکہ کونسل آن امریکن اسلامک ریلیشنز کے فیس بک صفحے پر بھی آئے روز دھمکی آمیز پیغامات بھیجے جاتے ہیں۔مسلمان مخالف پیغامات سے امریکی مسلمانوں میں شدید خوف و ہراس پایا جاتا ہے انہوں نے بتایا کہ دھمکی آمیز خط ملنے کے بعد پولیس نے تنظیم کے دفتر کو خالی کرا لیا ۔ پولیس معاملے کی مزید تحقیقات کر رہی ہے۔