ڈھاکا(آئی این پی)بنگلہ دش میں ہندووں کے ایک مذہبی اجتماع کے دوران ہونے والے سلسلہ وار بم دھماکوں کے نتیجے میں 10 افراد زخمی ہو گئے جن میں سے 3 کی حالت تشویش ناک ہے ۔غیر ملکی میڈیا کے مطابق پولیس حکام کا کہنا ہے کہ دیناج پور ضلع میں یہ بم دھماکے اس وقت ہوئے جب سینکڑوں ہندو زائرین وہاں ایک مذہبی جلسے میں شریک تھے۔حکا م کا کہنا ہے کہ دھماکوں میں 10 افراد زخمی ہوئے ہیں جن کو ہسپتال منتقل کردیا گیا ہے جہاں تین افراد کی حالت تشویش ناک ہے ۔ گزشتہ دنوں ہی بنگلہ دیش کے مقامی انتہا پسندوں نے ہندوو¿ں کو نشانہ بنانے کی دھمکی دی تھی۔