اسلام آباد(نیوزڈیسک) پیرس میں ہونے والے حملوں کے بعد فرانس کے مختلف علاقوں میں کام کرنے والے 4 ہزار پاکستانیوں کو فرانسیسی حکام نے واچ لسٹ میں شامل کر لیا گیا ہے۔ فرانس کے تحقیقاتی اداروں کی طرف سے ان چار ہزار پاکستانیوں کو فرانس میں قیام کے لئے دوبارہ انٹرویو دینے کے لئے نوٹس دیا ہے۔ ذرائع کے مطابق فرانسیسی حکام ازسرنو انٹرویوز کے ذریعے ان چار ہزار پاکستانیوں کی نظریاتی سوچ کا جائزہ لیں گے۔ فرانس میں مقیم پاکستانیوں نے حکومت پاکستان کو وزارت خارجہ کے ذریعے اپیل کی ہے کہ حکومتی سطح پر بات چیت کی جائے کیونکہ داعش کے جرائم کا ذمہ دار پاکستانیوں کو قرار دینا کسی طور پر درست نہیں۔