واشنگٹن(آن لائن)امریکی اخبارنے کہاہے کہ ریاست بہارکے عوام نے بھارتی وزیراعظم نریندرمودی کی مذہبی منافرت کومستردکردیا،بہارکے انتخابات مودی کیلئے سبق ہیں ،مودی نے بہارانتخابات کی مہم میں مذہب کی بنیادپرتقسیم کی کوشش کی ،مذہبی منافرت اورذات پات کے جھگڑوں سے بھارت کی ترقی رکے گی۔امریکی اخبارنیویارک ٹائمزمیں لکھے گئے اداریے میں کہاگیاکہ بھارتی ریاست بہارکے انتخابات وزیراعظم نریندرمودی کے لئے سبق ہیں ،مودی کاترقی سب کیلئے کانعرہ بری طرح ناکام ہوگیا،معاشی ترقی کے وعدے کے بجائے مذہبی کشیدگی کوہوادی گئی ہے ،اخبارکے مطابق بھارت کی تیسری بڑی ریاست بہارکے عوام نے مذہبی منافرت کومستردکردیاہے بہارکے عوام نفرت کی سیاست کے بجائے معیارزندگی بہتربناناچاہتے ہیں ،نریندرمودی سے نفرت پروری اورزہرآلودسیاست کوختم کرنے کامطالبہ کیاگیا،مگراقلیتوں اورمسلمانوں کی اپیلوں کے باوجودمودی نے وزراءکے نفرت انگیزبیانات کونظراندازکیا،نریندرمودی نے گائے کے گوشت کے حوالے سے قتل کے واقعات کی مذمت نہیں کی ۔اداریے میںکہاگیاکہ مودی نے بہارانتخابات کی مہم میں مذہب کی بنیادپرتقسیم کی کوشش کی ،بے جے پی کے صدراصیت شاہ نے ووٹروں کوبڑھکایاکہ مخالفین کی جیت کاجشن پاکستان میں منایاجائیگا۔مذہبی منافرت اورذات پات کے جھگڑوں سے بھارت کی ترقی رکے گی ،بہارمیں بی جے پی کی شکست کوتجزیہ نگارمودی کی شکست قراردے رہے ہیں ۔
دیکھئے شیریں مزاری کی بیٹی نے پی ٹی آئی کو کس طرح بدنام کر کے رکھ دیا
مزید پڑھئیے:ذولفقار مرزا کے ایان علی اور آصف زرداری کے بارے میں تہلکہ خیز انکشافات
