نئی دہلی (نیوزڈیسک)بھارتی وزیرخارجہ سشما سوراج نے کہا ہے کہ اگر پاکستان قبول کرلے تو ہم رمضان کو واپس بھیجنے کو تیار ہیں ۔بھارتی وزیرخارجہ سشما سورا ج نے سماجی رابطے کی ویب سائٹ ٹوئیٹر پر جاری کردہ پیغام میں کہا کہ گیتا بھارت میں خوش ہے جلد ہی ہم رمضان اور سلمان کا معاملہ بھی حل کر لیں گے انہوں نے کہاکہ اگر پاکستان رمضان کو قبول کر لے تو ہم اسے واپس بھیجنے کو تیار ہیں ۔انہوں نے کہا کہ بھارتی ہائی کمشنر نے3نومبر کو کراچی میں رمضان کی والدہ سے ملاقات کی ہے اوربیٹے سے ملاقات کرانے کیلئے ہم رمضان کی والدہ کو بھارت آنے کیلئے ویزہ دینے کے انتطامات کر رہے ہیں ۔