سری نگر(نیوزڈیسک)بھارتی وزیراعظم نریندر مودی کی متوقع سری نگر آمد پر قابض بھارتی فورسز نے حریت رہنماوں کے خلاف بڑے پیمانے پر کریک ڈاو ن شروع کرتے ہوئے کشمیری رہنماو ¿ں کو گرفتار اور گھروں میں نظر بند کرنا شروع کردیا ہے۔اطلاعات کے مطابق بھارتی فورسز نے مودی کی سری نگر آمد کے موقع پر حریت رہنماو ¿ں کی جانب سے ملین مارچ کے اعلان کے بعد برزگ حریت رہنما سید علی گیلانی کو گھر میں نظر بند جب کہ یاسین ملک اور شبیر شاہ سمیت دیگر اہم رہنماوں کو حراست میں لے لیا ۔دوسری جانب بھارتی فورسز نے مقبوضہ وادی میں سیکیورٹی کی آڑ میں نہتے اور بے گناہ افراد کی پکڑ دھکڑ کا سلسلہ بھی شروع کردیا ہے۔واضح رہے کہ بھارتی وزیراعظم نریندر مودی نے 7 نومبر کو سری نگر کا دورہ کرنا ہے اور اس موقع پر حریت رہنماو ¿ں نے ملین مارچ کا اعلان بھی کر رکھا ہے۔