نئی دہلی (نیوز ڈیسک) نئی دہلی کے وزیراعلیٰ اروند کیجریوال نے کرپشن پر وزیر خوراک عاصم احمد خان کو برطرف کردیا۔ پریس کانفرنس میں کیجریوال نے کہا عاصم خان کی جگہ بالیمرن سے ایم ایل اے عمران حسین کو وزیر بنایا جا رہا ہے اور وہ آئندہ ہفتے حلف اٹھائیں گے۔ وزیراعلیٰ نے کہا ہم ان لوگوں کو سخت پیغام دینا چاہتے ہیں جو کرپشن کر رہے ہیں۔ کیجریوال نے عاصم خان کو ہٹانے کا فیصلہ سی بی آئی کی جانب سے فراہم کردہ آڈیو ٹیپ سننے کے بعد کیا جس میں وہ ایک مقامی ٹھیکیدار سے معاملات طے کر رہا ہے۔