عرفات(نیوز ڈیسک) پاکستان کرکٹ ٹیم کے کپتان اظہر علی سمیت 4 کرکٹر بھی فریضہء حج کی ادائیگی میں مصروف ہیں ۔ پاکستان ونڈے ٹیم کے کپتان اظہر علی، نائب کپتان سرفراز احمد ،اسد شفیق اور سعید اجمل رواں برس فریضہ حج ادا کرنے کی سعادت حاصل کررہے ہیں ۔
اس مقدس فریضے کی ادائی گی کے بعد اظہر علی اسد شفیق اور سرفراز احمد جدہ سے دبئی اور پھر زمبابوے جائینگے، زمبابوے میں وہ پاکستان کرکٹ ٹیم میں شامل ہوجائینگے اور یکم اکتوبر سے شروع ہونے والی ون ڈے سیریز میں حصہ لیں گے جبکہ سعید اجمل حج کی ادائیگی کے بعد پاکستان پہنچیں گے۔
