بانجل (نیوز ڈیسک) مغربی افریقہ کے ملک گیمبیا کی سپریم اسلامی کونسل نے قادیانی جماعت کو غیر مسلم قرار دے دیا ہے اور اس فیصلے کے نتیجے میں اس جماعت کے متعلق مزید اہم فیصلے بھی متوقع ہیں۔ویب سائٹ Rabwah.net پر ایک مضمون شائع ہواہے جس میں اس فیصلے پر احتجاج کیاگیاہے کہ یہ فیصلہ حکومت اور ایک عرب ملک کی ایماءپر کیاگیا۔مضمون کے مطابق اس ملک میں قادیانی جماعت گزشتہ نصف صدی سے موجود ہے۔یہ خدشہ بھی ظاہر کیا گیا ہے کہ گیمبیا میں جماعت کے اثاثے ضبط کئے جاسکتے ہیں۔واضح رہے کہ مذکورہ ویب سائٹ قادیانی جماعت کے خیالات و نظریات کی ترجمانی کرتی ہے اور اس جماعت سے متعلق خبریں اور واقعات رپورٹ کرتی ہے۔یہاں یہ امر بھی قابل ذکر ہے کہ یہ خبر محض ایک رپورٹ کو قارئین تک پہنچانے کیلئے یہاں پیش کی گئی۔