بیجنگ(نیوز ڈیسک)چین نے پشاور کے علاقے بڈھ بیر میں پاک فضائیہ کے کیمپ پر دہشت گردانہ حملے کی شدید مذمت کی ہے۔ چینی وزارت خارجہ کے ترجمان ہانگ لی نے حملے کی مذمت کرتے ہوئے شہید افراد کے ورثاءسے تعزیت کا اظہار کیا اور کہا کہ دہشت گردی کو جڑ سے اکھاڑ پھینکنے میں پاکستان کے ساتھ ہیں۔چینی ترجمان نے حملے میں ہونے والے جانی نقصان پر گہرے دکھ کا اظہار کیا۔ ان کا کہنا تھا کہ دہشت گردی کے خلاف پاکستان کی کوششوں کی حمایت کرتے ہیں اور پاکستانی حکومت اور افواج قومی سلامتی اور استحکام کو برقرار رکھنے کی اہل ہیں۔