دبئی (نیوز ڈیسک) کے حکمراں کے صاحبزادے شیخ راشد بن محمد بن راشد المکتوم انتقال کرگئے،ان کی عمر34برس تھی۔ نمازجنازہ آج دبئی میںادا کی جائیگی ، شیخ راشد بن محمد کے انتقال کے بعددبئی سمیت متحدہ عرب امارات میں تین روزہ سوگ کا اعلان کردیا گیا ہے۔
غیر ملکی خبر رساں ایجنسی کے مطابق شیخ راشد بن محمد بن راشد المکتوم کو ہفتے کی صبح دل کا دور پڑا جو جان لیوا ثابت ہوا۔ان کی نماز جنازہ آج شام مسجد زبیل میں ادا کی جائے گی جبکہ دبئی میںواقع ام حریر قبرستان میں انہیں سپرد خاک کیا جائے گا۔
نومبر1981میں پیدا ہونے والے شیخ راشد بن محمد بن راشد المکتوم کے انتقال پر متحدہ عرب امارات میں تین روزہ سوگ کا اعلان کیا گیا ہے جس کے دوران سرکاری عمارتوں اور دفاتر میں متحدہ عرب امارات کا پر چم سرنگوں رہے گا۔
