ریاض (نیوز ڈیسک)سعودی ولی عہد شہزادہ محمد بن نائف نے کہا ہے کہ حج کے دوران سیاسی پراپیگنڈے کی اجازت نہیں ہو گی ‘ سعودی سیکورٹی ادارے حج کے تقدس کو پامال کرنے والے عناصر کو گرفتار کریں گے۔ سعودی میڈیا کے مطابق انہوں نے واضح کیا کہ حج کے موقع پر کسی قسم کے سیاسی پراپیگنڈے کے اجازت نہیں ہوگی اور ایسے عناصر کو گرفتار کیا جائے گا۔ انہوں نے کہا کہ سعودی حکومت ماضی میں دہشتگردوں کی سرگرمیوں کو عزم وہمت سے نمٹ چکی ہے۔ مسجد الحرام میں کرین گرنے کے سانحے کا ذکر کرتے ہوئے کہا کہ اس سے حج پر کوئی اثر نہیں پڑے گا اور حج کے پرامن انداز میں انعقاد کیلئے تمام تر ضروری تیاریاں مکمل کی گئی ہیں۔