ریاض(نیوزڈیسک) سعودی عرب میں ہیروئین اسمگلنگ کرنے کے جرم میں ایک اورپاکستانی شہری کا سر قلم کردیا گیا۔فرانسیسی خبررساں ادارے کے مطابق گزشتہ روز سعودی وزارت داخلہ کی جانب سے جاری بیان میں کہاگیاکہ تازہ ترین سزا نعیم اکبر نامی پاکستانی شہری کو دی گئی جسے ” بڑی مقدار” میں ہیروئین برآمد ہونے کے جرم میں سزا سنائی گئی تھی۔بیان میں مزید بتایا گیا ہے کہ رواں برس اکتوبر میں اسلامی سال کے اختتام پر سعودی عرب کے حکام نے اٹھارہ کلوگرام ہیروئین ضبط کی۔اقوام متحدہ کے مطابق خلیجی ممالک حالیہ برسوں کے دوران منشیات کی اسمگلنگ کے حوالے سے اہم مارکیٹ کی حیثیت اختیار کرچکے ہیں، تاہم سعودی عرب میں منشیات کی اسمگلنگ کے جرم میں موت کی سزا سنائی جاتی ہے۔