اسلام آباد(نیوز ڈیسک) مکہ کے سرکاری ادارے کی شکایت پر ویب سائٹ ہیک کرنے والا سعودی ہیکر کنگ خالد انٹرنیشنل ایئرپورٹ جدہ پر گرفتار کر لیا گیا، ایک آن لائن اخبار کے مطابق مکہ پولیس کے ترجمان کرنل عطی القریشی نے بتایا ہے کہ ملزم کو بیان لینے کیلئے حراست میں لیا گیا ہے، مزید کارروائی کیلئے اسے متعلقہ حکام کے حوالے کر دیا جائے گا،گرفتار ہونے والا ملزم کی شناخت ترکی عمر کے نام سے ہوئی ہے جسے مرجوج ہزازی کے نام سے بھی جانا جاتا ہے ، اس سے پہلے بھی ملزم نے ال لیتھ کی تعلیمی انتظامیہ کی ویب سائٹ ہیک کرنے کے بعد اپنے اکاﺅنٹ سے اس کام کے متعلق ٹویٹ کردیا تھا، سکیورٹی ادارے کے اہلکاروں نے اسے ایئرپورٹ سے متحدہ امارات جاتے ہوئے گرفتار کرلیا ۔