قاہرہ(نیوزڈیسک) مصر میں مسلح افراد نے عدالت میں گھس کر فائرنگ کردی جس کے نتیجے میں 3 جج ہلاک اور 2 زخمی ہوگئے ہیں۔غیر ملکی میڈیا کے مطابق مصر کے علاقے سینائی میں مسلح افراد نے عدالت میں گھس کر اندھا دھند فائرنگ کردی جس کے نتیجے میں 3 جج ہلاک 2 زخمی ہوگئے۔ واقعہ شمالی سینائی کے شہر ال آرش میں پیش آیا جہاں مصری سیکورٹی فورسز گزشتہ کئی ماہ سے شدت پسندوں سے لڑائی میں مصروف ہیں۔واضح رہے کہ واقعہ سابق صدر محمد مرسی کو مصری عدالت کی جانب سے موت کی سزا سنائے جانے کے چند گھنٹوں کے بعد پیش آیا ہے۔