منیلا(نیوزڈیسک )فلپائن میں جوتے بنانے والی فیکٹری میں آگ لگنے کے نتیجے میں اب تک 70 افراد ہلاک اورمتعدد زخمی ہوگئے۔غیرملکی خبررساں ادارے کے مطابق آگ لگنے کا واقعہ دارالحکومت منیلا کی فیکٹری میں اس وقت پیش آیاجب لوہے کے دروازے کی ویلڈنگ کی جارہی تھی کہ اس دوران اس سے نکلنے والے شعلوں کی وجہ سے قریب پڑے آتش گیر کیمیکل کے ڈرم میں آگ لگئی اور دیکھتے دیکھتے اس نے پوری فیکٹری کو اپنی لپیٹ میں لے لیا۔حکام کا کہنا تھا کہ حادثے کے وقت فیکٹری میں درجنوں افراد کام کررہے تھےتاہم اس میں سے چند افراد ہی بچ نکلنے میں کامیاب ہوسکے۔ حکام کے مطابق فائر بریگیڈ کے عملے نے کئی گھنٹوں کی کوششوں کے بعد آگ پر قابو پالیا تاہم رات ہونے کے باعث ریسکیو آپریشن روک دیا گیا۔