استنبول (نیوزڈیسک)اٹلی سے تعلق رکھنے والے ایک شخص نے فلسطینیوں سے اظہار ہمدردی کی ایک نادر مثال قائم کردی۔ اطلاعات کے مطابق اطالوی شہری ’انڈریا ڈی بلاسیو‘ نے فلسطینیوں سے اظہار یکجہتی کےلئے روم سے ترکی کے شہر استنبول تک 5 ہزار کلو میٹر طویل سفرسائیکل پر طے کیاہے۔ فلسطینیوں سے اظہار یکجہتی اور ہمدردی کی یہ ایک منفرد مثال ہے۔بلاس نے اپنا سفر روم سے شروع کیااور راستے میں وہ سلوینیا، بوسنیا، ہرسک، جبل الاسود، البانیا، یونان اور اس کے بعد ترکی کے شہر استنبول پہنچا اس سفر میں اسے اڑھائی ماہ لگے۔استنبول آمد پر ترک خبر رساں ادارے سے گفتگو کرتے ہوئے اطالوی باشندے کا کہنا تھا کہ فلسطینیوں سے ہمدردی اس کا عشق ہے۔ انہوں نے عالمی برادری پر زور دیا کہ وہ فلسطینیوں کی مشکلات کے حل اور ان کی آزادی میں ان کی مدد کریں۔ایک سوال کے جواب میں بلاسیو نے کہا کہ میں نے یہ طویل سفر صرف فلسطینیوں کے حقوق کی حمایت میں کیا ہے۔ بلاسیو اس وقت استنبول میں ہے اور جہاں سے وہ کچھ دنوں کےلئے فلسطین بھی آئیگا جہاں 10 دن فلسطین میں قیام کرےگا۔