نیپال (نیوزڈیسک) زلزلہ متاثرین کی امداد کے لئے پاکستان کے مزید 2 طیارے امدادی سامان اور طبی عملے کے ساتھ کھٹمنڈو پہنچ گئے۔پاکستان کے امدادی سامان سے بھرے مزید 2 سی 130 طیارے نیپال کے زلزلہ متاثرین کی امداد کے لئے کھٹمنڈو پہنچ گئے ہیں۔ امدادی سامان میں خیمے، ادویات اور غذائی اشیاء4 شامل ہیں جب کہ 8 ڈاکٹرز پر مشتمل ٹیم بھی نیپال پہنچ گئی ہے۔واضح رہے کہ اس سے قبل بھی پاکستان نے امدادی سامان سے بھرے 4 سی 130 طیارے زلزلہ متاثرین کیلئے نیپال بھیجے تھے۔ نیپال میں زلزلہ متاثرین کی امداد کیلئے پاکستان نے فیلڈ اسپتال بھی قائم کر رکھے ہیں جہاں زلزلہ میں زخمی ہونے والوں کو طبی سہولیات فراہم کی جا رہی ہیں۔