کوالالمپور(نیوزڈیسک)ملائیشیا کی پولیس نے مختلف علاقوں میں کارروائی کرکے داعش سے تعلق رکھنے والے 12 شدت پسندوں کو گرفتار کرلیا۔ غیرملکی میڈیا کے مطابق مشتبہ شدت پسندوں کی گرفتاری ملائیشیا کے دارالحکومت کوالالمپور کے نواحی علاقوں سے عمل میں آئی ہے ¾ حراست میں لیے گئے افراد کی عمریں17 سے 41 برس کے درمیان اور ان کا تعلق داعش سے بتایا جارہا ہے۔ پولیس نے شدت پسندوں کے اڈوں سے بڑی مقدار میں بارودی مواد بھی برآمد کیا پولیس کا کہنا ہے کہ گرفتار افراد کئی اہم مقامات پر دہشت گردی کی منصوبہ بندی کررہے تھے۔