اسلام آباد(نیوز ڈیسک)ایران کے پاسداران انقلاب کی جانب سے جاری ایک بیان میں شام میں لڑائی کے دوران ایک ایرانی عالم دین کے مارے جانے کی تصدیق کی ہے۔العربیہ ڈاٹ نیٹ کے مطابق ایرانی خبر رساں اداروں کی جانب سے بتایا گیا ہے کہ حج الاسلام محمد مہدی مالا میری حال ہی میں بصری الحریری کے معرکے میں ہلاک ہوئے ہیں۔ ایران میں وہ ایک ممتاز عالم دین سمجھے جاتے تھے۔علامہ مالا میری کے اہل خانہ نے بھی ان کے قتل کی تصدیق کی ہے اور بتایا ہے کہ ابو القاسم مالا میری حال ہی میں شام میں لڑائی میں مارے گئے تھے۔ مقتول شام میں فوٹو گرافی کرتے تھے۔