اسلام آباد(نیوز ڈیسک) ممبئی حملہ کیس میں ذکی الرحمان لکھوی کی رہائی پر امریکہ نے شدید احتجاج کیا ہے۔تفصیلات کے مطابق اسلام آباد میں ایک اعلی سطح کے امریکی سفارتکار نے وزیر داخلہ چوہدری نثار کو فون کرکے احتجاج ریکار ڈ کروایا۔امریکی سفارتکار نے چوہدری نثا رکو امریکی تشویش سے آگاہ کیا۔سفارتکار نے مطالبہ کیا کہ ذکی الرحمان لکھوی کو فوری گرفتار کیا جائے وہ ممبئی حملوں میں ملوث ہے جس کے جواب میں چوہدری نثار کا کہنا تھا کہ ذکی الرحمان کو عدالت نے رہا کیا حکومت کا اس میں کوئی کردار نہیں ہے جبکہ اس سے قبل بھارت بھی امریکہ کی طرح ذکی لکھوی کی ضمانت پررہائی پرشدیداحتجاج کرچکاہے ۔