اسلام آباد(نیوز ڈیسک) عراق اور شام میں بر سرپیکار تنظیم داعش نے مزید 8 مغویوں کے سر قلم کردیئے ہیں۔غیر ملکی خبر ایجنسی کے مطابق داعش کی جانب سے سوشل میڈیا پر جاری کی گئی وڈیو میں شام کے صوبہ حماہ میں 8 افراد کا سر قلم کرتے ہوئے دکھایا گیا ہے۔ شام میں انسانی حقوق کے لئے کام کرنے والی تنظیم “سیریئن آبزرویٹری فار ہیومن رائٹس” نے اس وڈیو کو اصلی قرار دیا ہے۔واضح رہے کہ داعش نے کچھ عرصے کے دوران کئی مغویوں کے سر قلم کئے ہیں جن میں جاپان، امریکا اور برطانیہ کے شہری بھی شامل ہیں۔