لندن (نیوز ڈیسک)داعش کے دلخراش اقدامات کی تفصیلات تو اکثر سامنے آتی رہتی ہیں مگر حال ہی میں ایک ایسی خبر سامنے آئی ہے کہ جس نے ہر سننے والے کا دل دہلا دیا ہے۔ اس تنظیم کے خلاف لڑنے والے ایک کرد جنگجو نے برطانیہ پہنچنے پر اخبار ”دی سن“ کو بتایا ہے کہع داعش نے ایک کرد نوجوان کو اغواءکیا اور جب اس کی بوڑھی والدہ ہمت کی مظاہرہ کر کے بیٹے سے ملنے پہنچی تو داعش کے جنگجوﺅں نے اسے اس کے بیٹے کا گوشت کھلا دیا۔ 36 سالہ یاسر عبداللہ نے بتایا کہ جب داعش اس کے عراقی گاﺅں کی طرف پیش قدمی کر رہی تھی تو وہ اس سے لڑنے کیلئے عراق پہنچا۔ انہیں دنوں ایک معمر کرد خاتون اپنے اغواءشدہ بیٹے کی رہائی کیلئے موصل شہر میںداعش کے ہیڈ کوارٹر پہنچی ۔ خاتون کو جنگجوﺅں نے بتایا کہ وہ بہت فاصلہ طے کر کے آئی ہے لہٰذا پہلے کھانا کھا لے جس کے بعد اسے بیٹے سے ملوا دیا جائے گا۔ یاسر عبداللہ کا کہنا ہے کہ خاتون نے اپنی دل دہلا دینے والی دستان سناتے ہوئے بتایا کہ جب وہ چاول اور گوشت کھا چکی تو داعش کے جنگجوﺅں نے قہقہے لگاتے ہوئے بتایا کہ اس نے ابھی ابھی اپنے بیٹے کا گوشت کھایا ۔ خاتون کو یہ بھی بتایا گیا کہ اس کے بیٹے کو پہلے ہی قتل کیا جا چکا تھا اور اس کے جسم کے ٹکڑے کاٹ کر اس کے آنے کے بعد چاول میں ڈال کر پکائے گئے تھے۔ اس اندوہناک واقعے کے بعد خاتون کی حالت غیر ہو گئی اور اخبار کا کہنا ہے کہ اس کی حالت تاحال سنبھل نہیں سکی ہے۔