ریاض (این این آئی)سعودی عرب میں ایک لڑکی کے بیرون ملک سے منگوائے پارسل سے بچھو نکل آیا جس نے رات کے وقت لڑکی کے کندھوں اور گردن پر ڈس لیا مگر زہرکا اثر کم ہونے کی وجہ سے لڑکی بچ گئی۔عرب ٹی وی کے مطابق یہ واقعہ سعودی دوشیزہ منیرہ سلیمان کے ساتھ پیش آیا،

انہوں نے بتایاکہ مجھے کچھ کمپیوٹر اور دیگر ڈیجیٹل آلات کی ضرورت تھی۔ میں نے ان کے لیےاندرون ملک اور بیرون ملک سے آن لائن آرڈر منگوائے۔اتفاق سے تمام آرڈر ایک دن اسے گھر پرموصول ہوئےمیںنے بعض پارسل کھول کے چھوڑ دیے۔ رات کو سو جانے کے بعد اچانک اس کے جسم میں تکلیف ہوئی۔ جاگنے پراس نے محسوس کیا کہ اس کی گردن اور کندھے پر کسی چیز نے ڈنگ مارا ہے۔ مجھے ایسے لگا کہ میرے جسم میں کوئی کانٹا چبھا ہے۔ اسی دوران اس نے دیکھا ایک چھوٹا بچھو اس کے جسم کے ساتھ چپکا ہوا ہے۔ اس نے جلدی سے بچھو کو اتار کرایک ڈبے میں بند کیا اور ساتھ بچھوں اور سانپ کی ویکسینیشن مرکز کے سابق ڈائریکٹر جنرل محمد الاحیدب سے رابطہ کیا اور انہیں ساری صورت بتائی۔ انہوں نے تسلی دی کہ علامات سے ظاہر ہوتا ہے کہ بچھو میں زہرکا اثر کم تھا۔ اللہ نے اسے یقینی موت سے بچا لیا۔