بریدہ(این این آئی)سعودی عرب کے شہر بریدہ میں واقع ایک کھجوروں کا ایک تاریخی باغ مقامی میلے کے شرکاء کی توجہ کا خاص مرکز بن گیا۔ تاریخی ریکارڈ سے پتا چلتا ہے کہ کھجوروں کا یہ باغ 200 سال پرانا ہے۔ اس میں کھجور کے سیکڑوں فلک بوس پھل دار درخت موجود ہیں۔عرب ٹی وی کے مطابق جنوبی الصباخ کالونی میں واقع یہ باغ 70ہزار مربع میٹر پرپھیلا ہوا ہے۔ اس باغ کو مقامی لوگوں کی پبلک بیٹھک بھی قرار دیا گیا تھا مگر وقت کے ساتھ ساتھ علاقے کے سیاحوں کی توجہ کا مرکز بن گیا۔ بریدہ کھجور

میلے میں بڑی تعداد میں لوگ کھجوریں خریدنے آتے ہیں۔ یہ میلہ سعودی عرب میں کھجوروں کا شہر کہلاتا ہے۔ میلے میں کجھوروں کی خریدو فروخت کیساتھ ساتھ کئی دیگر ثقافتی سرگرمیاں بھی ہوتی ہیں۔ ان سرگرمیوں کو حکومت، فلاحی اداروں اور سماجی بہبود کی تنظیموں کا تعاون حاصل ہوتا ہے۔میلے کے ایگزیکٹو ڈائریکٹر ڈاکٹر منصور المشطی نے کہا کہ بریدہ میلے میں کھجوروں کے خریداروں کے علاوہ بڑی تعداد میں شہری دیگر سرگرمیوں میں حصہ لینے یا ان سے لطف اندوز ہونے آتے ہیں۔