برسلز(نیوزڈیسک )بیلجیئم کے ایک فن کار نے ایسا حیرت انگیز فرنیچر تیار کیا ہے جو پاپ کارن کی طرح پھول کر کرسی کا روپ دھار لیتا ہے۔ سائنس اور ٹیکنالوجی کے اس دور میں اب کچھ بھی ناممکن نہیں جس کی حالیہ مثال یہ منفرد فرنیچر ہے جو پوپ کورن کی طرح پ±ھول کر ایک کر سی کا روپ دھار لیتاہے۔ بیلجیم کے ایک ماہر ڈیزائنر نے فوم کے میٹریل سے ایسا فرنیچر تیار کیا ہے جو ایک خاص درجہ حرارت پرگرم ہوکر مکئی کے دانے کی طرح پھولتا اوردیکھتے ہی دیکھتے کرسی میں تبدیل ہو جاتا ہے۔ ایک تہہ شدہ فوم سے کرسی میں تبدیلی کا یہ عمل چند منٹوں میں ہوتا ہے جسے دیکھ کر ایسا لگتا ہے کہ جیسے شیشے کے جار میں مکئی کا دانہ پھول کر پوپ کورن بن رہا ہو