لاہور( این این آئی)پنجاب حکومت نے سرکاری ملازمین کی بیرون ملک رخصت سے متعلق نئی ہدایات جاری کر دیں ۔
وزیر اعلیٰ پنجاب مریم نواز شریف کی منظوری کے بعد محکمہ سروسز اینڈ جنرل ایڈ منسٹریشن کی جانب سے جاری کئے گئے مراسلے کے مطابق آئندہ تمام سرکاری افسران اپنی درخواست بیرون ملک رخصت کیلئے چھٹیوں کے آغاز سے کم از کم ایک ماہ قبل منظوری کے لیے پیش کریں گے۔مزید ہدایت کی گئی ہے کہ افسران اپنی بیرونِ ملک روانگی کا شیڈول اور سفری پروگرام چھٹی کی باقاعدہ منظوری کے بعد ہی ترتیب دیں گے۔یہ مراسلہ تمام انتظامی سیکرٹریز ،متعلقہ محکموں اور خودمختار اداروں کے سربراہان، صوبہ بھر کے ڈویژنل کمشنرز اور ڈپٹی کمشنرز کو ارسال کیا گیا ہے ۔
