اسلام آباد(این این آئی)وفاقی آئینی عدالت پاکستان نے رمضان کے دوران دفتری اوقات کا نوٹیفکیشن جاری کر دیا۔

نوٹیفکیشن کے مطابق نئے اوقات کار کا اطلاق اسلام آباد، لاہور، کراچی، پشاور اور کوئٹہ کے دفاتر پر ہو گا۔پیر سے جمعرات تک دفاتر صبح 9سے دوپہر2 بجے تک کھلے رہیں گے جبکہ جمعے اور ہفتے کے روز دفتری اوقات صبح 9سے دوپہر 12:30بجے تک ہوں گے۔نوٹیفکیشن کے مطابق دفتری اوقات ختم ہونے سے ایک گھنٹہ قبل کوئی بھی کیس وصول نہیں کیا جائے گا، انتہائی ضروری اور ارجنٹ نوعیت کے کیسز کو وقت کی پابندی سے استثنیٰ حاصل ہوگا۔